叶凯茵多被安排饰演秘书角色，不过，她于无綫剧集《金宵大厦》中有新突破，饰演一名母亲徐太，聘用了赵希洛当保母，由于这名保母丧子抑郁成狂，经常情绪不稳，在今晚一集剧情更加紧张万分……
在现实生活中，叶凯茵有一名八岁大的儿子，她有一个伤痛的经历，于怀胎9个月时突发性妊娠毒血症，令BB胎死腹中，此事令她之后留下阴影，不打算再追B，而今次接拍这个剧时正是她康复期，接摄时有产房生BB镜头。
叶凯茵接受访谈及有否想过推戏时，她即谓：“唔会，难得有一个咁有发挥嘅角色，我真系要多谢监制叶镇辉畀机会我，好耐冇试过咁入戏，我拍嗰阵好投入，好锺意呢种感觉，其实之前冇咗个BB，我患有惊恐症，个人突然间会好惊，好彩之后冇事。
（有冇试过抽离唔到？）咁又冇，如果个角色要拍半年就会担心，我入行，都未试过演一个角色咁投入，喺16楼绑住威也拍跳楼戏，其实当时都惊惊哋，因为真系好高，但都好Enjoy呢个感觉。”
监制叶镇辉亦不讳言：“其实我搵佢拍呢个角色时，知佢本身系一个妈妈，好适合做呢个角色，但系我唔知佢冇咗个小朋友件事，但佢好专业，因为当中有啲场口讲佢个仔畀人捉咗、个仔唔同咗样又或者个仔要死，佢都做得好好，有一刻令我觉得好心酸，令佢谂番佢唔喺度嘅小朋友。”
而今晚有一场戏是叶凯茵到赵希洛家里，看见有个骨灰龛，拍摄这场时，她坦言自己都曾经失去过小朋友，都有将自己的经历情感代入去：“拍呢套剧时，好多时拍完情绪都会唔开心，不过好在过咗之后自己都抽离到。”
